Naghatag sang kalipay ang mga Santa Cops sang La Castellana Municipal Police Station sa mga evacuees bangud sang paglupok sang Bulkan Kanlaon. Sa pagmuno ni Police Major Rhojn Darell Nigos, hepe sang La Castellana MPS, ang mga kapulisan ang nagpatigayon sang programa kag nagpanagtag sang diapers kag panapton sa mga kabataan nga naga-edad 0-2 anyos. Nagpahampang man ang mga Santa Cops sa mga kabataan nga evacuees. Ini ang paagi sang kapulisan sang banwa nga apisar sang kabudlayan sang sitwasyon sa evacuation centers may rason sa gihapon agud nga makapangalipay.
