Narekober sa tatlo ka tawo ang ₱306,000 nga balor sang ginapatihan shabu sa bahin sang Barangay Nanca, banwa sang EB Magalona, las-8:45 sang gab-i, Sabado nga adlaw, Disyembre 21. Ang suspetsado ang ginkilala nga si Fred Peñaranda, 35-anyos; Jello Sampit, 19-anyos, kag pareho residente sa amo nga lugar; dakop man si Jocelyn Vicente, 33-anyos, kag residente sang Barangay E Lopez, Silay City. Base sa rekord sang EB Magalona Municipal Police Station, nakuha ang 45 grams nga kabug-aton sang ginapatihan shabu sa mga suspetsado. Magapangatubang sang kaso nga paglapas sa Republic Act 9165 nanday Peñaranda, Sampit, kag Vicente.
