Ginbawian sang kabuhi ang lima ka tawo kag 10 ang missing matapos nga natiphag ang taytay sa Norte nga bahin sang Brazil. Natiphag ang taytay nga naga-konekta sa Tocantins kag Maranhão sa amo nga pungsod. Ginakahangawan sa karun ang water contamination bangod sa amo nga insidente sa rason nga may nagkalaula nga kapin linibo ka litro sang pesticides kag sulphuric acid sa suba. Indi pa klaro kun ano eksakto nga kadamuon sa chemical ang naula nagikan sa mga containers, apang padayon nga gina-assess sang diving operation ang nangin kahalitan. Gina-abisuhan ang mga pumuluyo malapit sa lugar nga temporaryo nga likawan ang pagkuha sang tubig sa suba.
