Isa ka pari ang ginpilit magpangayo sang pasaylo sa publiko matapos sini ginhambalan ang mga kabataan nga indi matuod si Santa Isa ka English vicar ang gin-akusar matapos ginaalegar ginguba sini ang Christmas sang pila ka mga kabataan pinaagi sa pagpahayag nga indi matuod si Santa Claus kag ang ila lang nga mga ginikanan ay yara sa likod sang mga nakabutang nga regalo sa idalum sang Christmas Tree. Tinalikdan nga semana sang natalana maghatag sang iya speech si Rev. Dr. Paul Chamberlain parte sa pagbun-ag ni Jesus sa atubang sang Grade 6 pupils sa isa ka eskwelahan sa England apang, naglab-ot ang istoryahanay sa topiko angut sa existence bi Santa Claus. Ginhambalan sini ang bilog nga klase nga ang ila ginikanan ang nagabakal sa ila sang presents kag indi si santa. Ang ila man sini mga ginikanan ang nagakaon sang cookies nga ila ginbilin para kun tani kay santa. Kaangay nga na-trauma ang mga bata kag gilayon nga nagpanugid sa ila mga ginikanan. Bangud sini, napwersa nga magpangayo pasaylo ang pari sa mga kabataan, sa ila ginikanan kag pati na sa eskwelahan.
