Ginalauman nga magadagsa subong nga adlaw, Disyembre 26 ang mga pasahero sa BREDCO port matapos ang pag-selebrar sang Paskwa. Na-obserbaran nga tuman ka tawhay ang mga pasahero nga nagabiyahe padulong sa Iloilo padulong Bacolod vise-versa kahapon nga adlaw, Disyembre 25, mapa-RORO ukon fast craft man. Wala naman sang may na rekord nga mga untoward incidents ang Philippine Coast Guard sa sini nga holiday season. Base sa nakuha nga impormasyon sang DYHB, nagsugod damo ang pasahero sang tinalikdan nga Disyembre 23 sa pwerto, kag ginaluman magabalik liwat ang pagdagsa sang pasahero sa Disyembre 29 kag Enero 2 bangod sa pagsaulog sang Bag-ong tuig. Madumduman gin-activate sang PCG ang “Oplan Byaheng Ayos: Pasko 2024” sadtong Disyembre 20 kun sa diin gina-oberbar ang mas hugot nga pagpatigayon sang inspection kag masiguro ang kahandaan sang mga vessels, terminal facilities, kag passenger terminals para sa matawhay nga pagbiyahe sa mga pasahero.
