Ginbawian sang kabuhi ang isa ka lalaki nga security guard matapos ini ang makuryente sa Punta Cababug Street, Barangay Zone-6, Cadiz City alas-9 sang aga, Enero 1, 2025. Ang biktima ang 48-anyos, nagaserbe nga security guard sa isa ka compound sa kag residente sang Lopez Vito sang nasambit nga barangay. Suno sa isa ka security guard nga kaupod sang biktima, mga alas 11:50 sang aga sang New Year’s Day sang iya natukiban nga ang biktima nga iya man kaupod nga gwardya ang wala sing kabuhi. Gilayon naman ini nga nagtawag sa Cadiz City Component Police Station agud ipahibalo ang natabo. Base sa imbestigasyon, ginpahayag sang testigo nga ulihi nga nakita nga buhi ang biktima mga alas-7 sang aga kag ginpat-od nga natabo ang insidente sang aksidente nga naka-contact ang biktima sa nagabitay nga open electrical wire extension nga naga-angut halin sa building compound pakadto sa fishing boat kag aksidente ini nga nakuryente kag natumba sa idalom nga nagresulta sa iya kamatayon. Gindala pa sa Cadiz City Emergency Clinic ang biktima kag gindeklarar nga dead on arrival. Sa karon yara na ang bangkay sang biktima sa Negrense funeral parlor para sa nagakaigo nga disposisyon.
