Ginpaidalom sa force evacuation ang kapin 30,000 ka mga residente sang Pacific Palisades, Los Angeles California tuga sang windstorm kag wildfire. Masobra 1,000 ka ektarya na ang kalaparon sang wildfire nga nagluntad sa lugar suno sa California Department of Forestry and Fire Protection. Samtang suno naman sa Los Angeles County Fire Department, masobra 10,300 ka mga panimalay ang possible maapektuhan sang blaze. Indi pa matumod sa karun kun ano kadamo nga mga estraktura ang naapektuhan sa amo nga sunog. Pila ka mga dalan ang indi maagyan bangud ginpamilin na sang mga residente ang ila mga salakyan agud magbiya sa gilayon sa lugar. Ginpahayag ni United States President Joe Biden nga iya gina-monitor ang nagakatabo kag nagtanyag na ini sang federal assistance nga kinahanglanon ibulig sa nagluntad nga wildfire. Ginpanugyanan naman ni California Governor Gavin Newsom ang mga residente sang Southern California nga indi magpakampante bangud posible nga magdako pa ang wildfire tuga sang windstorm.
