Nangin bangungot ang isa kun tani nga memorable experience para sa duha ka tawo nga nagapalangganay sa Uzbekistan. Ini matapos gin-atake sang leon ang isa ka zookeeper nga nagapakitang gilas sa iya sini nga fiancè. Wala gid makaluwas ang nasambit nga Uzbek zookeeper matapos siya ginkagat kag gin atake sang iya malawig na nga ginasagod nga mga leon. Isa ka gab-i sang December 17 sang nagatrabaho si Iriskulov sa isa ka private zoo sa Parkent, Uzbekistan, sang nagdisider ini nga magpa-impress sa iya Fiancè pinaagi sa pag film sang iya kaugalingon nga nagasulod sa cage sang tatlo ka mga dalagkuan nga leon. Kag sang iya pagsira sang kurong, hinali lang ini gin atake sang tatlo ka mga sapat sa diin halos naubos gid ang katunga sang lawas sini. Isa ka leon ang hungod pa nga gintiro agud mag-untat sa pagkagat. Bangud sang mga pilas ni Iriskulov kag sa kadamuon sang dugo nga nadula sa iya lawas, wala gid ini makaluwas pa.
