Nagdangat sa 784 ka mga indibidwal ukon 261 ka mga pamilya ang nangin apektado sa nagluntad nga mabaskog nga ulan tuga sang localized thunderstorm kag shearline gikan sa pito ka mga kabarangayan sa ciudad sang Cadiz. Ini base sa report sang City Disaster Rick Reduction and Management Office (CDRRMO) sang ciudad as of 5pm, Enero 8, 2025. Suno sa datus, 771 ka mga indibidwal nga ginabug-usan sang 267 ka mga pamilya ang nagapabilin tubtob karon sa evacuation centers samtang 13 ka mga persona ukon apat ka pamilya lamang ang natigayon nga makabalik sa ila puluy-an. Samtang, isa naman ka balay ang narekord nga nga totally damaged kag duha naman ang partially damaged. Nagdeklarar naman sang face to face class suspension ang ciudad sa tanan nga lebel sa pribado kag pampubliko nga eskwelahan kag temporaryo karon nga magasaylo sa Alternative Delivery Mode (ADM). Magapabilin nga suspendido ang klase tubtob subong nga adlaw.
