Ginbawian sang kabuhi ang kapin 300 ka mga militar sang North Korea kag 2,700 ang pilason matapos nga gina-alegar nagpakigbato sa kinagamo sa tunga sang Russia kontra Ukraine. Santo sa impormasyon nagikan sa Seoul, gin-ako ni North Korean leader Kim Jong Un nga sila ang nagpadala sang masobra 10,000 ka mga militar bilang “cannon fodder” para magbulig sa Moscow kontra sa Kyiv, sa baylo sang Russian technical assistance para sa mga armas kag satellite programs sa Pyongyang. Ginpahayag naman ni Ukrainian President Volodymyr Zelensky, nadakpan sa Kyiv ang duha ka mga militar sang North Korea kun sa diin sila ang gina-imbestigaran. Dugang pa ni Zelensky, kun sino man nga mga North Koreans ang luyag magbulig agod malab-ot ang kalinong pinaagi sa pagpalapnag sang kamatuoran natuhoy sa kinagamo sa Korea ang mahatagan sang opportunidad.
