Nag-negatibo ang 414 ka mga personnel sang Negros Occidental Police Provincial Office (NOCPPO) sa paggamit sang Methamphetamine hydrochloride (Shabu), Marijuana, kag iban pa nga illegal substances. Nahibaluan nga ginpaidalom sa duha ka test ang mga personnel sang NOCPPO sa Negros Occidental -Provincial Forensic Unit sang Disyembre 9, 2024, kag Enero 7, 2025. Ini ang kabahin sang direktiba ni Regional Director PBGEN Jack L. Wanky nga magpatigayon sang mandatory drug testing para sa tanan nga uniformed kag non-uniformed personnel. Ang nasambit nga test ang isa ka screening procedure nga sarang madeterminar ang paggamit sang illegal drugs kag iban pa nga kaangay nga illegal substances paagi sa pag-detect sang presensya sini sa ginsumiter nga urine samples. Katuyuan sini nga masiguro ang integridad sang kampanya sang Philippine National Police (PNP) batok sa iligal nga droga kag masiguro nga ang hanay sang pwersa sang kapulisan ang hilway sa paggamit sini. Samtang ang mga personnel nga na-assign sa intelligence section nga nagapatigayon sang anti-illegal drugs operations ang regular nga ginapaidalum sa nasambit nga mga test, nga ginahiwat kada bulan.
