Natalana nga maga-perform ang 60 ka mga Masskara Dancers kag 100 ka mga props men sang Barangay Granada sa Sinulog Festival 2025 sa Cebu City sa maabot nga Enero 19, 2025. Nag-courtesy call sa opisina ni Bacolod City Mayor Albee Benitez nga ginpangunahan ni Councilor Jason Villarosa kag Secretary to the Mayor Atty. Marty Go ang Masskara dancers kaupod man si Tere Quebrar Manalili nga nagaserbe bilang Tourism Officer. Nag-upod man sa courtesy call si Punong Barangay Armando Vito kag ang ila mga choreographers nga sanday Joedem Toles Casabuena kag Mark Philip Espiso Lamirez Iga-represent sang mga ini ang Bacolod Masskara Festival sa Cebu City nga kilala man bilang Sinulog sa Sugbo World 2025. Magabiyahe ang mga ini buwas nga adlaw Enero 15, kag magaperform sa Sinulog Parade kag Grand Performance sa Enero 19 humalin sa aga tubtob gab-I kag iga-cover naman sang Cebu City Government ang tanan nga gasto sini. Nahibaluan nga ini na ang ika-tatlo nga higayon nga ang Bacolod City, paagi sa Barangay Granada MassKara dancers, ang naimbitahan sa Sinulog Festival agud magperform.
