Nagtaliwan si anay Himamaylan City Mayor Carminia “Mencit” Gatuslao-Bascon sa isa ka pribado nga ospital sa Bacolod City las-2:30, Martes sang kaagahon. Ginpahayag sang anak sini nga si anay Himamaylan City Mayor kag anay 5th District Board Member Agustin Ernesto Bascon nga ang katigulangon amo ang gintunaan sang pagtaliwan sang 88-anyos sini nga iloy. Dugang pa sini, nagluya ang ila iloy humalin sang napatay ang ila amay nga si Dodong Bascon sadtong 2021. Buwas nga adlaw, dal-on ang anay alkalde sa Nuestra Señora de las Nieves sa Himamaylan City kun sa diin ini siya sadto ang nagapang-dekorar tagsa may kapyestahan. Si Mencit Bascon ang nagserbe nga municipal mayor sang isa ka term, tatlo ka terms nga nangin city mayor , tatlo ka terms bilang vice-mayor kag isa ka term bilang konsehal.
