Nagpa-andam ang Office of Civil Defense 6 (OCD) ilabi na sa mga negosyante, mga supplier, kag sa publiko nahanungod sa mga indibidwal nga gina-representar ang OCD ukon nagapakilala nga si Director Raul Fernandez. Nahibaluan nga ang mga ini nagapangayo sang kuwarta, nga nagasiling nga kinahanglanon ini agud masiguro ang matalunsay nga mga transaksyon sa OCD. Dugang pa, ang mga scammer ang nagapangayo sang deposit sa account ni Ludivina Apao Betoc kag may numero nga 09703598542. Ginapanugyan karon ang publiko nga ang OCD wala kag indi gid magpangayo sang kuwarta, mga regalo, ukon mga pabor para sa bisan ano nga mga transaksyon ukon serbisyo. Suno sa OCD, dapat balewalaon pananglitan makabaton sang ano man nga pangabay gikan sa mga scammers kag ini ang e-report.
