Ginapareparar na sang Bacolod City Disaster Risk Reduction and Management Office ukon CDRRMO ang mga baranggay sa syudad sa palaabuton nga La Niña paagi sa Oplan Listo. Suno kay Dr. Anna Maria Laarni Pornan, head sang CDRRMO mabatyagan na ang mas matugnaw nga temperatura kag pag ulan-ulan sa pagsulod sang La Niña season sa pungsod. Dugang pa ni Pornan, ara na sila sa monitoring kag prepositioning pananglitan nga mga magdala sang mabaskog nga pagbaha ang La Niña sa syudad. Samtang, ang mga barangay nga flood prone area amo ang Sum -Ag, Pahanocoy, Singcang, Banago, kag ang portion sang Punta Taytay nga kung diin malapit ang mga ini sa coastal area. Padayon man ang pagpaninlo sang mga drainage sa mga lugar sa syudad para malikawan paglapaw sang tubig.
