Ginbawian sang kabuhi ang kapin 77 ka tawo matapos nga naglupok ang fuel tanker sa Nigeria samtang sila ang nagapangkuha sang gatong sa lugar. Ang tanker ang aksidente nga nagbaliskad kag naula ang unod sini sa bahin sang Suleja sakop sang North Central Niger. Base sa pahayag sang mga opisyal sa lugar, nagluntad ang paglupok sang tanker matapos nagsugod ang mga tawo pangkuha sang gatong nga nagkalaula. Magluwas sa mga nagtaliwan, pilason naman ang 25 ka mga tawo lakip na ang mga rescuers. Ang paglupok sang mga fuel tanker kag mga aksidente ang indi na bag-o nga nagakatabo sang pungsod bangod sa gina-alegar indi manami nga dalan kag wala maintenance ang nga salakyan. Ang mga pilason sa amo nga insidente ang yara sa karun sa ospital para sa nagakaigo nga pagbulong.
