Ang madulaan sang himata ang isa sa pinakamasubo nga butang nga ma-eksperyensyahan sang tawo. Kag kun isa gani sa ila ang ma-ospital, gina ubra gid sang kada pamilya ang tanan agud mapabulong kag maglawig pa ang ila kabuhi. Wala sang katupong ang nabatyagan sang isa ka pamilya matapos nga sala nga plug ang nabutungan sang isa ka ospital sa Washington, USA. Amo kun ngaa, ginkasuhan sila sang negligence kag pagtuga sang severe emotional distress matapos nga sala nga pasyente ang ila ginkaksan plug. Ang nasambit nga pasyente ang nahibaluan nagakinahanglan pa sang life support. Ini ang nag-umpisa sang ginpamangkot sang isa ka hospital worker sang PeaceHealth Southwest Medical Center ang mga utod sang ‘brain dead’ patient nga si Michael Beehler kun magapadayon pa sila sa life support sini. Bisan mabudlay para sa pamilya, nagsugot nalang sila nga butungon ang plug sa life support sang ila utod. Naplastar na ang tanan para sa pagpalubong ni Michael, madamo man nga mga pamilya kag kakilala sini ang nagpakig-unong. Apang, wala diri natapos ang istorya bangud pagkasunod nga adlaw, nakabaton sang tawag ang utod sini nga si Debbie halin mismo kay Michael. Indi makapati si Debbie nga buhi ang iya utod bangud ginhaya pa gani nila ini. Diri, gilayon sila nga nagtawag sang bulig sa otoridad. Gilayon gin-retrieve sang County Medical Examiner ang bangkay, kag sang gin-usisa pinaagi sa fingerprint examination, didto nakumpirma nga indi ini si Michael ang bangkay nga ila upod, kundi isa ka lalaki nga nagahingalan kay David Wells. Natukiban nga ang 69 anyos nga si Wells ang bag-o lang gid nag-abot sa ospital sang amo nga tion bangud nangin unconscious ini matapos siya madunlan sang iya ginkaon nga steak. Bangud roommate sila ni Michael kag tuparay pa ang ila katre, nasal-an nga siya ang ‘brain dead’ patient kag siya ang ginkakasan sang life support apisar nga wala ini sang pagpahanugot halin sa iya nga pamilya. Nakit-an sang Washington Department of Health nga nagasampaw-sampaw ang violations sang hospital lakip na ang palpak nga proseso sang mga ini sa pag-identify sa pasyente kag pag-train sa ila nga staff para sa identification. Ang madulaan sang himata ang isa sa pinakamasubo nga butang nga ma-eksperyensyahan sang tawo. Kag kun isa gani sa ila ang ma-ospital, gina ubra gid sang kada pamilya ang tanan agud mapabulong kag maglawig pa ang ila kabuhi. Wala sang katupong ang nabatyagan sang isa ka pamilya matapos nga sala nga plug ang nabutungan sang isa ka ospital sa Washington, USA. Amo kun ngaa, ginkasuhan sila sang negligence kag pagtuga sang severe emotional distress matapos nga sala nga pasyente ang ila ginkaksan plug. Ang nasambit nga pasyente ang nahibaluan nagakinahanglan pa sang life support. Ini ang nag-umpisa sang ginpamangkot sang isa ka hospital worker sang PeaceHealth Southwest Medical Center ang mga utod sang ‘brain dead’ patient nga si Michael Beehler kun magapadayon pa sila sa life support sini. Bisan mabudlay para sa pamilya, nagsugot nalang sila nga butungon ang plug sa life support sang ila utod. Naplastar na ang tanan para sa pagpalubong ni Michael, madamo man nga mga pamilya kag kakilala sini ang nagpakig-unong. Apang, wala diri natapos ang istorya bangud pagkasunod nga adlaw, nakabaton sang tawag ang utod sini nga si Debbie halin mismo kay Michael. Indi makapati si Debbie nga buhi ang iya utod bangud ginhaya pa gani nila ini. Diri, gilayon sila nga nagtawag sang bulig sa otoridad. Gilayon gin-retrieve sang County Medical Examiner ang bangkay, kag sang gin-usisa pinaagi sa fingerprint examination, didto nakumpirma nga indi ini si Michael ang bangkay nga ila upod, kundi isa ka lalaki nga nagahingalan kay David Wells. Natukiban nga ang 69 anyos nga si Wells ang bag-o lang gid nag-abot sa ospital sang amo nga tion bangud nangin unconscious ini matapos siya madunlan sang iya ginkaon nga steak. Bangud roommate sila ni Michael kag tuparay pa ang ila katre, nasal-an nga siya ang ‘brain dead’ patient kag siya ang ginkakasan sang life support apisar nga wala ini sang pagpahanugot halin sa iya nga pamilya. Nakit-an sang Washington Department of Health nga nagasampaw-sampaw ang violations sang hospital lakip na ang palpak nga proseso sang mga ini sa pag-identify sa pasyente kag pag-train sa ila nga staff para sa identification.
