90 ka mga preso nga Palestinian ginbuy-an sang Israel samtang tatlo naman ang ginbuy-an nga hostage sang Hamas sa ‘first phase’ sang ceasefire

Natigayon na nga ginbuy-an sang Israel ang 90 ka mga preso nga Palestine samtang tatlo naman ang ginbuy-an nga hostage sang Hamas sa ‘first phase’ sang ceasefire. Sini nga semana, una na nga ginbuy-an sang Hamas ang tatlo ka mga Israeli hostages sa Red Cross, Gaza City. Ang tatlo ka mga hostages nga ginbuy-an amo nanday Doron Steinbrecher, 31-anyos; dual British Israeli Emily Damari, 28-anyos; kag Romi Gonen, 24-anyos. Gilayon naman nga ginbulong sa Tel Aviv hospital ang tatlo kag yara na sa karun maayo nga kahimtangan. Nakita sa isa ka video nga ginbuy-an ang isa mga hostage nga si Emily nga may bandahe ang tudlo kun sa diin duha diri ang nautod samtang ginahakos ang iya nga iloy. Suno sa Hamas, kada hostages ang katumbas sang 30 ka mga preso nga Palestinian sa Israel. Dugang sini, linibo na ka mga Gazans ang nagbalik sa ila mga puluy-an.