May bag-o nga duha ka board of directors ang Bacolod City Water District (BACIWA) kasunod sang pagtapos na sang term sang duha sini ka board of directors sang nagligad nga Disyembre 31, 2024. Ang duha ka board of directors gin-appoint ni Bacolod City Mayor Albee Benitez amo sanday Edgardo Uychiat bilang Vice Chair sa Business Sector kag Atty. Sonia Verdeflor bilang treasurer sa professional sector. Suno kay Mona Dia Jardin, general manager sang BACIWA, si Lawrence Villanueva amo ang ginbuslan ni Uychiat samtang si Dr. Rebecca Filasol naman ang ginbuslan ni Verdeflor. Ang termino ni Uychiat kag Verdeflor bilang board of directors magalawid sang anom ka tuig. Ang appointment ni Mayor Benitez kay Uychiat kag Verdeflor epektibo sini nga Enero 2025.
