Nagpagwa sang Executive Order ang lokal nga pamunuan sang Bago City may angut sa pag-regulate kag pag-discourage sang mga gab-ihan nga mga kahiwatan kag aktibidad sa ciudad. Ini ang may kaangtanan sa nagapadayun nga paandam sang PHIVOLCS may angut sa possible nga pag-escalate sang Alert level sang Bulkan Kanlaon. Ang pagpaiway sang nightly activities sa ciudad ang pagpangaman sang local government agud mahapos ang paghulag pananglitan matuon sa kagab-ihon ang posible liwat paglupok sang bulkan. Kon may yara naman sang mga aktibidad nga dapat sa gab-i hiwaton, dapat nga magsumiter sang sulat ang mga natungdan sa Disaster Risk Reduction and Management Office (DRRMO) agud ma-assess sang mga otoridad. Ang ini nga mga pagsulundan epektibo tubtob nagapabilin sa Alert Level 3 ang Bulkan Kanlaon.
