Ginpasidunggan sang Negros Occidental Police Provincial Office (NOCPPO) ang mga top performing police stations sa probinsiya. Sa flag raising ceremony sang NOCPPO kahapon sa Camp Alfredo Montelibano ginhatagan sang certificates of recognition ang mga police stations nga may maayo nga performance sa Birada Semana campaign sang Disyembre 9-15, 2024. Ang Silay City Police Stations ang ginkilala sa pagpanguna sa kampanya kontra iligal nga druga. Ang Sagay City Police Station, Silay City Police Station, Manapla, Pontevedra, kag Valladolid Municipal Police Stations ang ginkilala bangud sang kadamuon sang nadakpan nga mga wanted persons. Ang Silay City Police Station kag Manapla Police Station ginkilala naman bangud sa pagpanguna sa kampanya kontra loose firearms. Samtang ang Cadiz City Police Station, Silay City Police Station, kag Calatrava Municipal Police Station amo naman ang ginkilala nga top performers sa kampanya kontra illegal gambling.
