Pormal na nga nagpungko bilang ika-47 nga presidente sang Estado Unidos si Donald Trump kag nagpanumpa sa atubang ni US Supreme Court Chief Justice John Roberts sa inauguration ceremony sa Rotunda sang US Capitol sa Washington, DC, Enero 21, 2025, oras sa Pilipinas. Sa pagbalik ni Trump sa pwesto, ini ang nagpromisa sang bag-o nga “golden age” sang Amerika pinaagi sa iya nga inaugural address. Kadungan sang pagpungko ni Trump, ini ang nagpirma sang isa ka executive order nga indi na magpakigbahin ang Amerika sa World Health Organization (WHO). Suno kay Trump, wala na-handle sang WHO ang COVID-19 pandemic kag iban pa nga international health crisis nga nagluntad sang nakaligad. Madumduman, nagserbe man si Trump bilang ika-45 nga presidente sa pungsod.
