Ginbawian sang kabuhi sang lalaki nga motor rider matapos mabungguan ini sang pareha man nga motor sa bahin sang National Highway sang Barangay Oringao, Kabankalan City alas-1:25 sang hapon, Enero 20, 2025. Ginkilala ang biktima nga nagtaliwan nga si Marjon Mollero, 34-anyos kag residente sang Purok Malangsa sang nasambit nga ciudad samtang ang driver naman sang motor nga nakabunggo sa biktima ang ginkilala kay Anna Makac, 22-anyos kag residente sang Barangay Panyabunan, Mabinay, Negros Oriental. Base sa impormasyon, ang Yamaha Sniper nga ginamaneho ni Macac ang nagabiyahe gikan sa Barangay Orong padulong sa Barangay Camingawan sang amo nga ciudad kag ini ang nagaagi sa inner lane. Apang pag-abot sa nasambit nga lugar sang insidente sa pag-labay sang Kawasaki Bajaj 125 nga ginamaneho naman ni Mollero hinali nga nagliko ini sa nawala nga bahin nga naga-agi sa outer lane sang highway apang si Macac ang nadulaan sang kontrol sa iya ginamaneho nga Yamaha Sniper kag nakabunggo sa nawala nga bahin sang Kawasaki Bajaj 125 kag nagresulta sang pagkasubsob sang duha ka motorsiklo sa dalan kun sa diin naangkon ang mga ini sang physical injuries sa nagkalain-lain nga bahin sang ila lawas. Gilayon nga napilasan nga driver sang Gilayon nga gindala sa District Hospital Kabankalan ang mga napilasan nga driver para sa nagakaigo nga pagbulong apang si Mollero ang gindeklarar nga dead on arrival samtang si Macac naman ang padayun nga nagapa-ayo. Sa karon, temporaryo nga yara sa kustodiya sang Barangay Oringao ang duha ka imbolbado nga motosiklo para sa nagakaigo nga disposisyon.
