Nagsaka sang 354.48 percent ang na-record nga mga kaso sang dengue sa Negros Occidental sadtong tuig 2024 kun ikumparar sadtong 2023.
Sa report sang Provincial Health Office, may na-record nga 6,799 ka mga kaso sang dengue humalin Enero 1 tubtob Disyembre 31, 2024 kun sa diin 22 sa mga ini ang nagkalamatay.
Ini ang 5,303 nga mas madamo kun ikumparar sa 1,496 dengue cases nga na-record sa bug-os nga tuig 2023.
Nagapang-edaron sang 0 tubtob 94-anyos ang mga natapikan sang amo nga masakit gikan sa lamok kun sa diin naga-edad kalabanan sa mga pasyente ang naga-edad sang isa tubtob napulo katuig.
Nagpanguna ang Bago City sa may pinakamadamo nga kaso nga nagdangat sa 1,042 kag isa ang napatay.
Ini ang ginasundan sang San Carlos City (552 cases), Hinoba-an (424 cases), Silay City (412 cases), Talisay City (411 cases), Kabankalan City (387 cases), Cauayan (383 cases), Sagay City (376 cases), Cadiz City (329 cases), kag Sipalay City (290 cases).
