Magapangita pa ang Office of the Civil Defense sang dugang nga lugar nga posible himuon nga evacuation centers pananglitan magsaka ang alert level sang Kanlaon. Ginpahayag ni OCD-Negros Island Region Director Donato Sermeno III nga sang ila ginbisitahan ang Yolanda Housing Projects sa Silay City kag Cadiz City tinalikdan nga Sabado, ila natukiban nga okupado na ang iban sa mga units. Samtang, ang city governments sang Bago kag La Carlota ang nagpirma na sang memorandum of agreement sa Cadiz City kag Victorias City rason nga sila ang mahatagan sang prayoridad. Bangud sini, magapangita ang OCD sang iban pa nga lugar nga mahimo mag-akomodar sang evacuees gikan sa La Castellana. Suno kay Sermeno, bukas man sa pagbaton sang evacuees ang Kabankalan City kag sa pihak nga aminado ini nga malayo na apang nagapabilin ini nga posibilidad.
