Ginalantaw sang Department of Agriculture (DA) ang pagpatuman sang maximum maximum suggested retail price (MSRP) sa karne sang baboy bangud sang tuman ka mahal nga presyo sini sa merkado. Suno kay DA spokesperson Arnel Se Mesa, ang retail price sang karne sang baboy sa merkado ang halos doble na sa presyo sa farmgate. Suno sa DA ang farmgate prices nagadangat lamang sa P200-P220 kag ang ganansiya diri dapat nagalab-ot lamang sa P100-P120 apang sa pila ka merkado nagalab-ot pa sa P400 ang presyuhanay. Kaangay sa ginhimo sang DA nga pagpatuman sang MSRP nga P58 per kilo sa imported nga bugas, ang karne sang baboy ang ginakonsiderar man nga ipaidalom sa kaangay nga sistema.
