Na-monitor ang pagniwang ukon paghugos sang mga kasapatan nga gindala sa mga evacuation centers kasunod sang paglupok sang Bulkan Kanlaon.
Ginpahayag ni Provincial Veterinarian Dr. Placeda Lemana nga may kakulangan sa pagkaon sang mga sapat bangud indi ma-suplayan ang ila kinahanglanon para sa feeds.
Ginpasiguro naman ni Dr. Lemana nga padayon ang ila monitoring kag surveillance sa mga kasapatan nga apektado sang pag-alburuto sang bulkan.
May naka-standby nga mga personnel sang District Animal Health Centers sa Fourth kag Fifth Districts kun sa diin may evacuation centers agud mahatagan sang nagakaigo nga bulig kaangay sang mga suplemento ang mga kasapatan.
