Nagdangat na sa 21 ang mga violators sa ginapatuman nga Commission on Elections (COMELEC) gun ban sa Western Visayas. Ini santo sa datos sang Police Regional Office (PRO) 6, halin las-12:01 sang Enero 12 tubtob las-6 sang aga sang Enero 28, 2025. Ang Negros Occidental Police Provincial Office (NOCPPO) ang may pinakamadamo nga naaresto nga suspek nga nagadangat na sa anom (6). Ginasundan ini sang Bacolod City Police Office (BCPO) nga may lima (5), may apat (4) naman ang Capiz Police Provincial Office kag tatlo (3) ang Iloilo City Police Office. Samtang may tag-isa naman nga naaresto ang Aklan Police Provincial Office (PPO), Iloilo Police Provincial Office kag Regional Mobile Force Battalion 6.
