Nakuhaan sang ₱136,000 nga balor sang ginapatihan shabu ang isa ka lalaki sa ginpatigayon nga buy bust operation sang Philippine Drug Enforcement Agency (PDEA) Negros Occidental sa Purok Kagaykay, Barangay 2, Bacolod City, pasado las-4 sang hapon, Enero 29.
Ang suspetsado ang ginkilala nga si alias “Bebe Balat”, 24-anyos.
Base sa rekord sang PDEA, nakuha sa suspetsado ang 20 grams sang ginapatihan shabu, iPhone 15, buy bust money, kag pila pa ka mga non-drug items.
Si alias “Bebe Balat” ang magapangatubang sang kaso nga paglapas sa Section 5 kag 11 sang Article 2 sang Republic Act 9165, ukon Comprehensive Dangerous Drugs Act of 2002.