Madamo na sang mga nagatuhaw nga content creators sa subong, panami-nami content para makakuha sang dako nga engagement. Siling gani nila— good or bad, publicity is still publicity Magapangatubang sang lima ka tuig nga pagkapreso ang isa ka Colombian influencer nga si Daneidy Barrera Rojas ukon mas kilala nga Epa Colombia matapos sini gin-video anv iya kaugalingon nga nagapang-vandal sa isa ka pader. Bangud sa paghigko sini sa isa ka public property, siya ang gindakop kag ginpriso sang mga otoridad. Gin-post ni Rojas ang iya sini nga video sa social media sa diin makita nga ginapintahan niya ang mga salakyan sa Bogota, pangbuka sang bintana kag pang martilyo sa kun ano ang makita sini. Bangud sa atensyon nga nakuha sini online, gilayon siya gin imbetigahan sang mga kapulisan kag diri napamatud-an ang iya mga nalapas nga layi. Bangud sini, nagpangayo sang pasensya si Epa Colombia bangud sang naubra sini. Bangud indi kumbinsido ang angProsecutor’s Office, nag apelar ini sang pagkapreso ni Rojas halin sa three years, gin-ubra ini lima ka tuig.
