Ginbawi ni anay Isabela Sangguniang Bayan Member Patrick Miguel Montilla ang iya kandidatura sa pagka-Provincial Board Member sang Negros Occidental. Sa statement ni Montilla, ginpahayag sini nga ang iya pag-atras sa May 12, 2025 National and Local Elections ang bangud sang personal reasons. Ginkumpirmar ni Provincial Election Supervisor Atty. Ian Lee Ananoria nga nabaton sang iya talatapan ang sworn statement of withdrawal of candidacy ni Montilla tinalikdan nga Enero 31, Byernes. Suno kay Ananoria, iya ginpasa sa COMELEC Law Department ang withdrawal ni Montilla. Dugang pa sini, “unilateral” ang withdrawal sang isa ka kandidato.
