Ginalauman nga matapos sa bulan sang Pebrero tuig 2025 ang pagpahamtang sang tent city sa ciudad sang Himamaylan preparasyon sa worst case scenario tuga sang Bulkan Kanlaon.
Ginpahayag ni Office of the Civil Defense- Negros Island Regional Director Donato Sermeno III, 128 out of 395 na ka mga tents ang nahamtang sa ciudad kun sa diin ginabuligan sang mga volunteers, militar, reservist kag iban pa ang pagpatindog sang mga ini agod matapos sang mas madasig.
Ginpatahom man sa karun ang bakante nga lote agod matapan ang duta sa lugar, ginasiguro man nga limpyo ang palibot kag may nagakaigo nga suga.
Ginaplanuhan naman suno kay Sermeno ang pluming ukon ang pagpahamtang sang nagakaigo nga linya kag supply sang tubig sa tent city.
Nadeploy man sa lugar ang mga katapo sang 94th Infantry Battalion agod masiguro ang seguridad sa palibot.
