Dakop sa drug buy bust operation ang tatlo ka mga kalalakinhan sa Hda. Rosario Norte, Brgy. Granada, sa ciudad sang Bacolod, pasado las-10 sang gab-i, Pebrero 4.
Ang mga suspetsado ang ginkilala nanday alias ‘Hardy’, 28-anyos; alias ‘Justin’, 35-anyos; kag alias ‘Jeroll’, 25-anyos nga lunsay mga residente sa amo nga lugar.
Ang amo nga operation ang ginpatigayon sang Bacolod City Police Station 5 kun sa diin nakuhaan ang nga suspetsado sang ginabulubanta walo ka gramo sang ginapatihan shabu nga nagabalor ₱54,400.
Ang mga suspetsado ang magapangatubang sang kaso nga paglapas sa Section 5, 11, kag 12 sang Republic Act 9165 ukon Comprehensive of Dangerous Drugs Act of 2002.
