Sin-o bala ang magalaum nga ang ginakonsumo sang kadam-an nga Pinoy nga instant pancit canton ang makabig pang “world class!” Sa isa ka article nga gin-publish sini lang nga January 2025 sang American publication nga Wirecutter section, ang Lucky Me! Pancit Canton Kalamansi flavor ang nalista sa “citrusy ramen category.” Ini ang ginsundan sang kilala nga Thai brand nga Mama’s Shrimp Tom Yum Noodles. Pahayag sa article nga sa tanan nga noodles nga ila natilawan, ang local brand sang Pancit Canton Kalamansi ang ila gid nagustuhan. Gin-describe ni New York Times supervising editor Marilyn Ong ang nasambit nga pancit canton bilang “bright and citrusy plus homey and comforting all at once.” Halin sa dry seasoning, soy sauce, kag oil packets nga gina-impon sa mismo pancit, masagamsaman mo gid ang fresh kag aromatic citrus. Dugang pa ni Ong, ang lista ang gintipon pinaagi sa pagpamangkot sa grupo sang mga ekspert— lakip na ang mga cookbook authors, ramen reviewers kag ramen shop owners. Mismo ang editorial team sang Wirecutter ang nag taste-test isa isa sa mga noodles apang ang pancit canton sang Pilipinas ang nangibabaw.
