Nagpatigayon sang emergency meeting ang mga katapo sang Incident Management Team (IMT) sa banwa sang La Castellana kasunod sang liwat paglupok sang bulkan Kanlaon kahapon. Ini ang ginpangunhan ni Incident Commander PMAJ Rhojn Darell H. Nigos bilang kabahin sang mandu ni La Castellana Mayor Alme Rhummyla Nicor-Mangilimutan . Nahibaluan nga naka-eksperyensya sang ashfall sa Sitio sang Sitios, Mercedes, Isabel kag Pacita bahin sang Barangay Sag-ang banwa sang La Castellana samtang nakapanimaho naman sang asupre ang pila ka mga residente malapit sa proper sang banwa. Ginadiskusyunan na nasambit nga meeting ang precautionary measures ukon ang mga tikang nga pagahimuon sang banwa kasunod sang liwat nga paglupok sang Bulkan Kanlaon.
