Gin-inagurahan ang pinakauna nga Innovation Hub (iHub) sang Department of Science and Technology (DOST) Negros Occidental sa DOST Negros Occidental Building, Bacolod City kahapon, Pebrero 6, 2025. Nagtambong sa inagurasyon si Science and Technology Secretary Renato U. Solidum Jr., upod sanday Undersecretary Sancho A. Mabborang, DOST VI Regional Director Engr. Rowen R. Gelonga, DOST VII Regional Director Engr. Jesus F. Zamora Jr., DOST NIR Assistant Regional Director for Technical Operations Dr. Naomi Cossette R. Luis, kag DOST NIR Assistant Regional Director for Finance and Administrative Division Atty. Gilbert R. Arbon. Ang DOST Negros Occidental iHub ang magasuporta sang technology business incubators sa rehiyon particular ang TUPV Hub for Innovation and Value Engineering (HIVE), kag startup accelerators kaangay sang ALPHA Bacolod Accelerator. Kahapon, tatlo ka mga teams sang DOST Undergraduate Scholars ang nagpresentar sang ula innovative ideas sa atubang sang DOST officials. Ang nasambit nga team ang ginalakipan sang AlonTogether, AgriGrow kag Carbon Clean Tech.
