Natigayon na nga narekober kag nakilala ang 10 ka tawo nga ginbawian sang kabuhi nga sakay sa naghugpaas nga eroplano sa western Alaska. Suno sa Nome Volunteer Fire Department, naturn-over na sa pamilya ang bangkay sa mga biktima nga sakay sa naghugpaas nga Bering Air plane, samtang ginatingwaan naman nga makuha sa lugar ang amo nga eroplano. Nahibaluan nga sakay sa amo nga eroplano ang isa ka piloto kag siyam ka mga pasahero nga nagikan sa Unalakleet antes ini madula kag natalana kuntani magpadulong sa Southeast portion sang Nome. Ginatingwaan sa karun sang mga imbestigador nga matumod kun ano ang rason sang paghugpaas sang eroplano.
