Ginahingyo ni Negros United Transport Coalition kag Bacolod Alliance for Commuters Operators and Drivers Inc. (BACOD) President Rudy Catedral ang grupo ni Negros Panay United (PNU) President Warren Gangoso nga indi na pag-intrahan ang problema diri sa ciudad.
Sa interview sang DYHB kay Catedral ginpahayag sini nga may mga inisyal nga negosasyon na ang ila grupo sa ciudad sang Bacolod kag ang hinali pag-intra ni Gangoso sa issue ang nagpalala lang sa sitwasyon.
Dugang pa sini nga nagawakal lang si Gangoso bisan wala ini nakahibalo sang puno kag punta sang problema sa sektor sang transportasyon sa Bacolod.
Suno pa kay Catedral, indi tungod naguba na ini sa ciudad sang Iloilo, ang Bacolod naman iya labugayon.
Kag kun may yara gid man sang ginapangapinan si Gangoso nga miyembro sang PNU diri sa Bacolod, ina ang lima lang ka mga drivers.
