Ginbawian sang kabuhi ang kapin 31 ka mga ginapatihan Maoist rebels kag duha ka mga kapulisan sa nagluntad nga engkwentro sa central India. Suno kay Police Inspector General Pattilingam Sundarraj, ginatos ka mga kapulisan kag mga militar ang naglunsar sang operation sa kakahoyan nga bahin sang Indravati sa Chhattisgarh state bangod base sa intelligence nga madamo sang mga rebelde ang yara sa lugar. Nagpatigayon sang search operation ang mga militar sa kakahuyan sang nagluntad ang engkwentro nga nagresulta sang pagkataliwan sang kapin 31 ka mga ginapatihan rebelde kag duha ka mga kapulisan. Pilason man ang duha ka mga kapulisan sa amo mga insidente. Dugang pa ni Sundarraj, padayon ang ginapatigayon nga search operation sa lugar kag may mga armas kag ammunition, lakip na ang mga rifle sa lugar. Wala pa sang statement nga ginpagwa ang mga katapo sang rebelde. Ginkabig ang amo nga insidente ang pinakadako nga engkwentro sini nga tuig sa pungsod.
