Wala na sang may na-atubang nga problema ang Bacolod Department of Social Services & Development (DSSD) may angut sa pagggamit sang mga peke nga Person with Disabilities Identification Card (PWD ID). Ginpahayag ni DSSD Disability Affairs Officer IV, Alma Gustillo nga bangud sang QR code system sang ciudad, madasig nga madetect ang peke nga mga IDs. Suno kay Gustillo, indi na kinahanglan nga mag-apply liwat ang mga ID holder pananglitan madula ang mga ID sang mga sini. Dugang pa sang DSSD Officer nga sarang magpadulong sa mga Mall partners sang ahensya ang mga nadulaan sang ID dala ang blotter report ukon affidavit of loss para mahatagan sang replacement ID. Nahibaluan nga pila ka mga establishment ang wala nagahatag sang discount sa mga may tuyo sini mag-avail kun wala sang ID nga ginapresentar apang sarang naman makahatag sang authorization letter nga pwede ipadala sa himata nga pirmado sang tag-iya sang ID. Madumduman nga sang damlag lang, nagpagwa sang official statement ang Restaurant Owners of the Philippines (RestoPh) may angut sa ila pagkadismaya bangud sa lapnagon nga paggamit sang peke nga mga PWD ID.
