Nagahimo sang pamaagi sa karun ang pungsod Egypt kag Qatar nga magpanumbalik ang ceasefire sa tunga sang Hamas kag Israel. Nagapangita sa karun ang mga mediators sang solusyon agod masiguro nga balanse ang implementasyon sang kasugtanan. Luyag sang duha ka pungsod nga malikawan ang anuman nga pagtaas sang tensyon sang duha ka grupo. Padayon man ang ginabuhat nila nga high level communication sa pagbalik sang kasugtanan. Madumduman gindesisyon ang Hamas nga untaton ang pagpahilway sini sang mga hostages matapos nga ila gin-akusaran ang Israel nga naglapas sa kasugtanan nga ginpatuman sang Enero. Ginpahayag ni Israel Prime Minister Benjamin Netanyahu nga maga-untat ang ceasefire sa Gaza kun indi pagbuy-an sang Hamas sa Sabado ang mga hostages, kag iya gilayon pabalikon ang Israel Defense Forces sa liwat nga pagpang-atake sa lugar.
