Sa moderno nga panahon karon, talagsa ka nalang makakita sang straktura nga na preserba humalin pa sang World War II Madamo sang mga simbahan diri sa Negros ang dalagkuan gid kag masami ubra sa bato. Pero nakakita ka na bala sang gamay nga simbahan kag ubra sa kahoy? Ini ang Mojon chapel sa Bais, Negros Oriental. Ini ang nahamtang sa sulod sang Central Azucarera de Bais, ang pinakadako nga sugar refinery sa probisya sang Negros Oriental. Ini ang mas kilala sa tawag nga The Virgin de los Desamparados chapel sang 1918. Makita sa itsura sini ang impluwensya sang Spanish-American architecture styles. Halin sa wooden walls, bintana kag pirtahan sini makita gid ang katahom sang simbahan bisan pa gamay ini kun ipaanggid sa iban. Makita man sa sulod sang simbahan ang mahogany altar kag century-old nga imahe sang mga santo. Ang Mojon chapel ang nahamtang sa boundary sang Bais kag Tanjay sa Negros Oriental. Ini ang naga atubang sa isa ka village sa diin naga istar ang mga nagatrabaho sadto sa central. Ginapatihan nga ini ang gintukod sang Commonwealth period, sadtong gina-develop sang mga espanyol kag kano ang sugar industry sang Negros. Nahibaluan nga nagbisita pa sa ini nga chapel si anay Presidente Manuel L. Quezon upod ang iya gabinete sa malip-ot lang nga tinion antis ang mga ini naglagyo padulong Australia.
