Ginbawian sang kabuhi ang 19 ka tawo matapos ang nagluntad nga stampede sa isa ka istasyon sang tren nga nahamtang sa New Delhi sa pungsod India. Nagluntad ang stampede bangod sa pagtikluranay sang mga tawo agid makasakay sa tren padulong sa Kumbh Mela, isa pinakadako nga kapiyestahan sa bilog nga kalibutan. Minilyon ka mga deboto nga Hindu ang nagapadulong sa lugar agod magpakigbahin sa amo nva kahiwatan. Suno kay Dr. Ritu Saxena, Deputy Medical Superintendent sang Lok Nayak Hospital sa New Delhi, kalabanan sa mga nagtaliwan, hypoxia ukon blunt injury ang possible gintunaan sang ila kamatayon sa amo nga insidente. Samtang ginpahayag naman ni Railways Minister Ashwini Vaishnaw, sila ang magapatigayon sang imbestigasyon agod matumod ang gintunaan sang aksidente. Magapahamtang man ang istasyon sang dugang nga tren agod malikawan ang pagdinaguso sang mga pasahero sa tion sang kapiyestahan.
