Maayo lang sa gihapn ang relasyon kag pagpanghimanwa ni karon Acting Bacolod City Mayor El Cid Familiaran kag Bacolod City Mayor Albee Benitez sa pihak sang naga-init nga lakat sang pulitika sa ciudad. Sa interview sang DYHB kay Familiaran, ginpahayag sini nga nagapasalamat siya nga ginarespeto kag wala ginaabusar ni Mayor Albee ang otoridad sini ilabi na sa ti-on nga mag-leave ang alkalde kag siya ang pabuslon bilang acting Mayor. Dugang pa sini nga personal siya nga nagapangonsulta sa alkalde antis ini maghimo sang desisyon. Sa nahibaluan, ini ang ika-duha na nga beses nga magapungko bilang acting Bacolod City Mayor si Familiaran sini nga tuig 2025.
