Magahiwat sang Provincial Joint Security Control Center (PJSCC) sa probinsiya sang Negros Occidental buwas nga adlaw, Pebrero 18.
Ginpahayag ni Provincial Election Supervisor Atty. Ian Lee Ananoria nga personal nga magatambong sa pagsinapol si COMELEC-NIR Regional Election Director Atty. Lionel Marco Castillano upod sa Philippine National Police, Philippine Army kag Philippine Coast Guard.
Iga-finalize man sang PJSCC ang assessment sa peace and order situation sa probinsiya kun sa diin aprubahan kun ano nga category ipaidalom ang mga LGUs.
Nahibaluan nga sa inisyal nga assessment sang PNP, Green ukon malinong kag matawhay ang status sang probinsiya angot sa nagahilapit nga eleksyon.
Apang, ang COMELEC Central Office nag-categorize sang Isabela kag San Enrique nga Yellow samtang Orange naman ang Cauayan, Calatrava kag Sipalay City.
