Ginahingyo sang grupo nga Bacolod Alliance for Commuters Operators and Drivers (BACOD)- Manibela ang Land Transportation Franchising and Regulatory Board (LTFRB) nga kun mahimo, mahatagan sang tyansa ang paghatag sa ila sang Provisional Authority (PA).
Sa interview sang DYHB kay BACOD President Rudy Catedral, ginpahayag sini nga kinahanglan nila sang PA agud ma-renew ang ila rehistro kag makakuha sang permit sa ciudad.
Sa madumduman, ginkanselar sang grupo ni Catedral sa United Trasport Coalition (UTC) ang ila plano nga lima ka adlaw nga untat-biyahe umpisa kun tani sini nga adlaw, Pebrero 17 tubtob Pebrero 21 diri sa ciudad sang Bacolod.
Ini matapos nagpagwa sang statement si Bacolod Traffic Authority Office (BTAO) head Patrick Lacson angut sa ila pag-implementar sa dinakpanay sa mga salakyan nga wala maka renew sang permit.
Suno kay Catedral nangin maayo ang lakat sang ila negosasyon sa City Council tinalikdan nga semana sa diin ginpa-iway sang ciudad ang nasambit nga dinakpanay sa baylo nga magapadayon lang sa pagbiyahe ang mga mga traditional jeeps.
Suno kay Catedral masobra 1,000 pa ang mga unconsolidated kag unregistered units sang sang traditional jeep diri sa ciudad sang Bacolod.
