Ginbubuan gamit ang organic chemical sang Bureau of Internal Revenue (BIR) Bacolod ang 378 ka kaha sang sigarilyo bilang kabahin sa kampanya sini sa illicit excisable cigarettes.
Ini nga sigarilyo ang nakumpiskar gikan sa Dumaguete City sa pagpanguna ni Revenue District Officer Remedios Advincula Jr. sang RDO-79.
Ginpatigayon ang nasambit nga ‘dissolution’ sa BIR Bacolod parking area kaina sang aga, Pebrero 24, 2025 nga ginpangunahan ni Regional Director Mary Jane B. Asuncion kag OIC – Asst. Regional Director Franklin M. Tabaquin Jr.
Ini ang kabahin sang simultaneous nationwide destruction of illicit excisable cigarettes nga programa sang BIR nga nalakip sa padayun nga pagpabakod sang kampanya batok sa illicit trade kag tax evasion.
Nahibaluan nga ang mga nasambit nga mga sigarilyo ang narekober bangud wala nagcomply sang tax laws ang mga violators.
Pagpasiguro ini nga indi dehado ang gobyerno sang nagakaigo nga revenue kag ang mga counterfeit kag untaxed nga mga balaklon ang wala ginapabay-an.
