Natalana nga patigayunon sang Teatro Lingganay sang Sacred Heart Seminary Bacolod ang duha ka adlaw nga Theater Presentation sa kada alas-2 sang hapon kag alas-7 sang gab-i sa maabot nga Pebrero 28 kag Marso 1, 2025.
Titulo sang nasambit nga Theater Presentation amo ang “Handum” nga base sa Istorya ni Jose (Joseph) gikan sa Old Testament sang Bibliya nga ginpangunahan sang mga Semenarista.
Tinutuyo sang “Handum” nga gaan sang pagtamod ang importansya kag kabilinggan sang paghandum, paglaum kag pag-abyanay.
Pagahiwaton ini sa St. John Paul II Cultural Center sang Sacred Heart Seminary, Lizares Street, Bacolod City.
Ang ticket ang sarang mabakal sa regular price sini nga P150.00 samtang P50.00 naman para sa mga estudyante.
Nagapalab-ot man sang ila pag-imbitar ang mga katapo sang Teatro Lingganay sa tanan nga magpakigbahin kag mangin-saksi sang nasambit nga presentasyon.
