Magapatigayon sang fact finding ang Bago City Local Government Unit natuhoy sa insidente nga pagtaliwan sang bag-ong bun-ag nga lapsag sa Bago City Hospital.
Ginkasubo kag nagpalab-ot sang pagpakig-unong si Mayor Nicholas Yulo natuhoy sa pagtaliwan sang lapsag sang tinalikdan nga Pebrero 18.
Sa karun nakapasa na ang ospital sang incident report sa ciudad kag pagapangunahan sang City Officer ang fact finding committee agod matumod kun ano matuod tuod nga natabo.
Pagapakamaayuhon sang alkalde kun insakto ang ginhimo sang ospital apang kun madiskubrihan nga kulang ang ila pag-atipan sa pasyente, magapatuman sang nagakaigo nga tikang kag may pagasalabton ang on-duty nga medical staff sa amo nga oras.
Nagmando man ang alkalde sa Department of Social Welfare and Development agod mag reach out sa ginikanan agod mahatagan sang nagakaigo nga bulig ang pamilya sang nalisdan.
Nagpasiguro man si Yulo nga ginapaidalom sa continuing education and training ang mga medical staff sang ospital.
