Indi makabig sang Bacolod City Police Office (BCPO) nga maka-alarma ang presensya sang illegal nga droga sa ciudad sang Bacolod matapos ang asod-asod nga pagkumpiskar sang bulto-bulto nga mga illegal nga droga.
Ginpahayag ni BCPO Director Police Colonel Joeresty Coronica, ginakabig nga transshipment point sang illegal nga droga ang ciudad bangod ini ang sentro sang transaksyon.
Apang base sa monitoring sang kapulisan, indi buot silingon nga ang mga drug personalities sa ciudad ang magakonsumo sa tanan nga supply bangod ini ang gina-distribute pa sa pila ka bahin sang probinsya sang Negros Occidental.
Ginklaro ni Coronica nga normal lamang ang mga dalagko nga recoveries sang kapulisan sa illegal nga droga bangod mas ila ginapasanyog ang operasyon.
Dugang pa sang City Director, nahibaluan nga isa sa mga rason sang krimen sa ciudad amo ang may kaangtanan sa illegal nga droga.
